"Naqsh" hunarmandchilik maktabida an’anaviy san’at ta’limi rivojida yangi sahifa ochilmoqda!

2026-yil 5-oktabr kuni "Naqsh" hunarmandchilik maktabi o‘zining ilk talabalarini ikki yillik kunduzgi diplom dasturida tahsil olish uchun qabul qiladi. Dastur O‘zbekiston Madaniyat va san’atni rivojlantirish jamg‘armasi hamda Qirol jamg‘armasining An’anaviy san’at maktabi hamkorligida ishlab chiqilgan bo‘lib, mazkur maktab tomonidan amalga oshiriladi.

Nazariy bilim va amaliy mashg‘ulotlarni uyg‘unlashtirgan dastur O‘zbekistonning boy me’moriy merosidan ilhomlanib, talabalarni go‘zallik, uyg‘unlik va an’anaviy hunarmandchilik tamoyillari bilan tanishtiradi.

Amaliy tadqiqotlar, an’anaviy hunarmandchilik ko‘nikmalarini rivojlantirish va ijodiy izlanishlar orqali talabalar o‘zlarining loyihalash va hunarmandchilik mahoratini yuksaltirib, asrlar davomida shakllangan badiiy an’analarni zamonaviy ijodiy amaliyot bilan uyg‘unlashtirish imkoniyatiga ega bo‘ladilar.

Ilk talabalarimizni qarshi olishni hamda ular bilan birgalikda ushbu ijodiy va ma’rifiy sayohatni boshlashni intiqlik bilan kutmoqdamiz!